കോഴിക്കോട്‌: ഇക്കൊല്ലം എസ്‌എസ്‌എല്‍സി പരീക്ഷ എഴുതുന്ന വിദ്യാര്‍ഥികള്‍ക്കു വേണ്ടി എസ്‌എസ്‌എഫ്‌ സംസ്ഥാന കമ്മിറ്റി നടത്തിയ എക്സലന്‍സി മോഡല്‍ എക്സാമില്‍ സംസ്ഥാനത്തു 500 കേന്ദ്രങ്ങളിലായി 46,731 വിദ്യാര്‍ഥികള്‍ പങ്കെടുത്തു.
പൗരന്റെ വിദ്യാഭ്യാസ ഭാവിയില്‍ നിര്‍ണായക ഘട്ടമായ എസ്‌എസ്‌എല്‍സി പരീക്ഷക്കു ഒരുങ്ങുന്ന വിദ്യാര്‍ഥിക്കള്‍ക്കു ആശയും പ്രതീക്ഷയും നല്‍കുന്ന തരത്തിലായിരുന്നു എസ്‌എസ്‌എഫ്‌ സംഘടിപ്പിച്ച എക്സലന്‍സി ടെസ്റ്റ്‌ സംവിധാനിച്ചിരുന്നത്‌. ഗണിതം, ഇംഗ്ലീഷ്‌ വിഷയങ്ങളിലാണ്‌ പരീക്ഷ നടന്നത്‌. വിദഗ്ധരായ അധ്യാപകരടങ്ങുന്ന പ്രത്യേക സമിതിയാണ്‌ ചോദ്യങ്ങള്‍ തയ്യാറാക്കിയത്‌. ശാസ്ത്രീയമായ സംവിധാനങ്ങളും കേന്ദ്രീകൃത മൂല്യനിര്‍ണയങ്ങളും ഒരുക്കിയ എക്സലന്‍സി ടെസ്റ്റിന്‌ വിദ്യാഭ്യാസ രംഗത്തെ പ്രമുഖരുടെ പ്രശംസ ലഭിച്ചിരുന്നു. പരീക്ഷക്കൊപ്പം പരീക്ഷ നേരിടുന്ന വിദ്യാര്‍ഥികളില്‍ ആത്മവിശ്വാസം വളര്‍ത്തുന്നതിനു വേണ്ടിയുള്ള ഗൈഡന്‍സ്‌ ക്ലാസും സംവിധാനിച്ചിരുന്നു. സംസ്ഥാനത്തെ പരിശീലനം നേടിയ 1168 സെന്റര്‍ ചീഫുമാരും ട്രെയിനര്‍മാരും പരീക്ഷ നടത്തിപ്പിനും ക്ലാസിനും നേതൃത്വം നല്‍കി. എക്സലന്‍സിയുടെ സംസ്ഥാനതല ഉദ്ഘാടനം ശാസ്താംകോട്ട മീലാദെ ശരീഫ്‌ ഗവ.ഹയര്‍സെക്കന്‍ഡറി സ്കൂളില്‍ സംസ്ഥാന ജനറല്‍സെക്രട്ടറി ആര്‍പി ഹുസൈന്‍ നിര്‍വഹിച്ചു. കാര്യക്ഷമമായ വിദ്യാഭ്യാസം നേടുന്നതിലൂടെ മാത്രമേ വിദ്യാര്‍ഥികളെ നേരായ വഴിയിലേക്കു തിരിക്കാന്‍ കഴിയുകയുള്ളൂ എന്നും നാടിന്റെ യശസ്സുയര്‍ത്തിപ്പിടിക്കാന്‍ പ്രാപ്തമായ തലമുറയുടെ സൃഷ്ടിപ്പിനു ധാര്‍മികതയിലൂന്നിയ വിദ്യാഭ്യാസം അനിവാര്യമാണെന്നും അദ്ദേഹം പറഞ്ഞു.
സംസ്ഥാന അസി. പ്രസിഡന്റ്‌ മുഹമ്മദ്‌ ഫാറൂഖ്‌ നഈമി അധ്യക്ഷത വഹിച്ചു. സിറാജ്‌ കൊട്ടുക്കാട്‌, ഹംസ സഖാഫി പ്രസംഗിച്ചു. സാംസ്കാരിക വിദ്യാഭ്യാസ രംഗത്തെ പ്രമുഖര്‍ വിവിധ ജില്ലകളില്‍ ടെസ്റ്റിന്റെ ഉദ്ഘാടനം നിര്‍വഹിച്ചു. ഈ മാസം ഏഴ്‌,എട്ട്‌ തീയതികളില്‍ ജില്ലാ കേന്ദ്രങ്ങളില്‍ വെച്ചാണ്‌ മൂല്യനിര്‍ണയം നടത്തുക. ഫെബ്രുവരി പത്തിന്‌ സംസ്ഥാനത്തു മാര്‍ക്ക്‌ ലിസ്റ്റ്‌ പ്രസിദ്ധീകരിക്കും. രണ്ടു വിഷയങ്ങളിലും എ പ്ലസ്‌ നേടിയ വിദ്യാര്‍ഥികള്‍ക്കു സര്‍ട്ടിഫിക്കറ്റു നല്‍കും. 06/02/2009
പൗരന്റെ വിദ്യാഭ്യാസ ഭാവിയില്‍ നിര്‍ണായക ഘട്ടമായ എസ്‌എസ്‌എല്‍സി പരീക്ഷക്കു ഒരുങ്ങുന്ന വിദ്യാര്‍ഥിക്കള്‍ക്കു ആശയും പ്രതീക്ഷയും നല്‍കുന്ന തരത്തിലായിരുന്നു എസ്‌എസ്‌എഫ്‌ സംഘടിപ്പിച്ച എക്സലന്‍സി ടെസ്റ്റ്‌ സംവിധാനിച്ചിരുന്നത്‌. ഗണിതം, ഇംഗ്ലീഷ്‌ വിഷയങ്ങളിലാണ്‌ പരീക്ഷ നടന്നത്‌. വിദഗ്ധരായ അധ്യാപകരടങ്ങുന്ന പ്രത്യേക സമിതിയാണ്‌ ചോദ്യങ്ങള്‍ തയ്യാറാക്കിയത്‌. ശാസ്ത്രീയമായ സംവിധാനങ്ങളും കേന്ദ്രീകൃത മൂല്യനിര്‍ണയങ്ങളും ഒരുക്കിയ എക്സലന്‍സി ടെസ്റ്റിന്‌ വിദ്യാഭ്യാസ രംഗത്തെ പ്രമുഖരുടെ പ്രശംസ ലഭിച്ചിരുന്നു. പരീക്ഷക്കൊപ്പം പരീക്ഷ നേരിടുന്ന വിദ്യാര്‍ഥികളില്‍ ആത്മവിശ്വാസം വളര്‍ത്തുന്നതിനു വേണ്ടിയുള്ള ഗൈഡന്‍സ്‌ ക്ലാസും സംവിധാനിച്ചിരുന്നു. സംസ്ഥാനത്തെ പരിശീലനം നേടിയ 1168 സെന്റര്‍ ചീഫുമാരും ട്രെയിനര്‍മാരും പരീക്ഷ നടത്തിപ്പിനും ക്ലാസിനും നേതൃത്വം നല്‍കി. എക്സലന്‍സിയുടെ സംസ്ഥാനതല ഉദ്ഘാടനം ശാസ്താംകോട്ട മീലാദെ ശരീഫ്‌ ഗവ.ഹയര്‍സെക്കന്‍ഡറി സ്കൂളില്‍ സംസ്ഥാന ജനറല്‍സെക്രട്ടറി ആര്‍പി ഹുസൈന്‍ നിര്‍വഹിച്ചു. കാര്യക്ഷമമായ വിദ്യാഭ്യാസം നേടുന്നതിലൂടെ മാത്രമേ വിദ്യാര്‍ഥികളെ നേരായ വഴിയിലേക്കു തിരിക്കാന്‍ കഴിയുകയുള്ളൂ എന്നും നാടിന്റെ യശസ്സുയര്‍ത്തിപ്പിടിക്കാന്‍ പ്രാപ്തമായ തലമുറയുടെ സൃഷ്ടിപ്പിനു ധാര്‍മികതയിലൂന്നിയ വിദ്യാഭ്യാസം അനിവാര്യമാണെന്നും അദ്ദേഹം പറഞ്ഞു.
സംസ്ഥാന അസി. പ്രസിഡന്റ്‌ മുഹമ്മദ്‌ ഫാറൂഖ്‌ നഈമി അധ്യക്ഷത വഹിച്ചു. സിറാജ്‌ കൊട്ടുക്കാട്‌, ഹംസ സഖാഫി പ്രസംഗിച്ചു. സാംസ്കാരിക വിദ്യാഭ്യാസ രംഗത്തെ പ്രമുഖര്‍ വിവിധ ജില്ലകളില്‍ ടെസ്റ്റിന്റെ ഉദ്ഘാടനം നിര്‍വഹിച്ചു. ഈ മാസം ഏഴ്‌,എട്ട്‌ തീയതികളില്‍ ജില്ലാ കേന്ദ്രങ്ങളില്‍ വെച്ചാണ്‌ മൂല്യനിര്‍ണയം നടത്തുക. ഫെബ്രുവരി പത്തിന്‌ സംസ്ഥാനത്തു മാര്‍ക്ക്‌ ലിസ്റ്റ്‌ പ്രസിദ്ധീകരിക്കും. രണ്ടു വിഷയങ്ങളിലും എ പ്ലസ്‌ നേടിയ വിദ്യാര്‍ഥികള്‍ക്കു സര്‍ട്ടിഫിക്കറ്റു നല്‍കും. 06/02/2009
