മണ്ണാർക്കാട് ഉണർത്തു ജാഥയ്ക്ക് പ്രൌഡോജ്വല സ്വീകരണംമണ്ണാർക്കാട്: വിദ്യാർത്ഥിത്വം സാമൂഹ്യവിചാരത്തിന്റെ സാക്ഷ്യം എന്ന മുദ്രാവാക്യമുയർത്തിയ എസ്‌എസ്‌എഫ്‌ ഉണർത്ത്‌ ജാഥക്ക്‌ മണ്ണാർക്കാട് പൗരാവലി പ്രോഢോജ്ജ്വല സ്വീകരണം നൽകി . സമൂഹത്തിന്റെ വിവിധ തുറകളിൽ നിന്നുള്ളവർ ഉണർത്ത്‌ ജാഥയുടെ സ്വീകരണ സമ്മേളനത്തിൽ പങ്കാളിയായി.
നെല്ലിപ്പുഴയിൽ നിന്നാരംഭിച്ച സ്വീകരണ റാലിയിൽ നൂറ്‌ കണക്കിന്‌ എസ്‌എസ്‌എഫ്‌ പ്രവർത്തകരും അൽഇസാബ സംഘവും അണിനിരന്നു. സൈബർ കുറ്റകൃത്യങ്ങൾക്കെതിരെ സമൂഹ മന:സ്സാക്ഷിക്ക്‌ ഉണർത്ത്‌ പാട്ടായി മാറി റാലിയിലെ മുദ്രാവാക്യങ്ങൾ. റാലിക്ക്‌ ഡിവിഷൻ നേതാക്കളായ അൻവർ പൊമ്പ്ര, അമാനുള്ള കിളിരാനി, ഷഫീഖ്‌ അൽഅഹ്സനി, അബ്ദുറഹീം സെയ്നി, നൗഷാദ്‌ കൊടക്കാട്‌, ബഷീർ മാസ്റ്റർ തുടങ്ങിയവർ നേതൃത്വം നൽകി.
എസ്‌എസ്‌എഫ്‌ ഉണർത്തുജാഥക്ക്‌ തൃശൂർ ജില്ലയിൽ ഉജ്വല സ്വീകരണം
തൃശൂർ: എസ്‌എസ്‌എഫ്‌ സംസ്ഥാന പ്രസിഡന്റ്‌ സ്വാദിഖ്‌ സഖാഫിയുടെ നേതൃത്വത്തിൽ ഒന്നിന്‌ തിരുവനന്തപുരത്തുനിന്ന്‌ ആരംഭിച്ച ഉണർത്തുജാഥക്ക്‌ ജില്ലയിലെ വിവിധ കേന്ദ്രങ്ങളിൽ ഉജ്ജ്വല സ്വീകരണം നൽകി. സമൂഹത്തിൽ വർധിച്ചു വരുന്ന സൈബർ കുറ്റകൃത്യങ്ങൾ വ്യക്തിയുടെ സ്വകാര്യതക്കും രാജ്യത്തിന്റെ സുരക്ഷയ്ക്കും ഭീഷണി ഉയർത്തുന്ന സാഹചര്യത്തിൽ ഇതിനെതിരെ പൊതുബോധം ഉണർത്തുന്നതിന്‌ വേണ്ടിയാണ്‌ 'വിദ്യാർഥിത്വം സാമൂഹ്യ വിചാരത്തിന്റെ സാക്ഷ്യം' എന്ന പ്രമേയവുമായാണ്‌ തിരുവനന്തപുരത്തുനിന്ന്‌ കാസർകോട്ടേയ്ക്ക്‌ ജാഥ നടത്തുന്നത്‌
കൂടുതൽ വാർത്തകളും ചിത്രങ്ങളും
No comments:
Post a Comment